Arrest me burg është masa e Gjykatës së Apelit në Shkodër për dy kryepleqtë e Dukagjinit, Dritan Lisaj dhe Gjin Lushi, të akuzuar për mbajtje dhe kultivim të bimëve narkotike. Avokati mbrojtës kërkoi një mase më të lehtë, ndërsa Prokuroria cilësoi të drejtë vendimin e Shkalles së parë.
Arrestuar ne një super aksion te policisë së Shkodrës bashkë Dritan Lisaj dhe Gjin Lushi u arrestuan dhe 14 persona të tjerë. Pas një hetimi 10 mujor, prokuroria ka lëshuar 18 urdhër arrestet për personat e dyshuar si të përfshirë në kultivimin e lëndëve narkotike, ku 16 prej këtyre fletë-arresteve janë ekzekutuar nga policia. Në periudha të ndryshme ky grup kriminal ka kultivuar deri në rreth 100 mijë bimë kanabisi.
Sipas policisë, dy kryepleqtë e Njësisë Administrative Pult, efektivi të Forcave Speciale dhe një numër personash të tjerë ishin të angazhuar në organizimin përpunimin dhe përgatitjen e lëndës narkotike. Dy kryepleqtë Dritan Lisaj dhe Gjin Lushi akuzohen për kultivim të lëndës narkotike dhe për shpërdorim detyre pasi duhej të raportonin për drogën e mbjellë në këtë njësi administrative.
